3. dźěłarnička łužiskich filmowcow we wobłuku Nysoweho festiwala
Großhennersdorf (CStN/SN). Po šěsć dnjach je so wčera 14. mjezynarodny Nysowy filmowy festiwal zakónčił. Ze 6 300 eurami dotěrowane nowe Nysowe filmowe myto za najlěpši hrajny film sakskeho ministerstwa za wědomosć a wuměłstwo zdoby sej słowaksko-čěska produkcija „Špína“ (njerjad) Terezy Nvotoveje. Wjace hač 6 000 wopytowarjow móžachu witać na filmowe předstajenja, čitanja a koncerty na 23 městnach třikrajoweho róžka, mjez druhim w Budyšinje.
