Serb dóstanje swjećiznu

Drježdźany. Na Božej mši w Drježdźanskej katedrali wudźěli biskop Heinrich Timmerevers jutře, sobotu, w 10 hodź. dwěmaj mužomaj měšnisku swjećiznu. Jedyn z njeju je Florian Mróz z Kulowa. Na Božu mšu su serbscy wěriwi přeprošeni a namołwjeni, tež w narodnej drasće prezencu pokazać. Swoju primicu změje Florian Mróz njedźelu, 4. junija, w 9 hodź. w Kulowskej cyrkwi.

Na „rjadowniske zetkanje“

Pěskecy. Wot jutřišeho hač do póndźele wotměje so w Pěskecach wjesny swjedźeń. Nimo póndźelneje kopańcy změja tam jutře wječor reje, kotrež mjenuja „rjadowniske zetkanje“. Na nje mjenujcy njejsu jenož młodostni přeprošeni, ale runje tak ći, kotřiž su starši hač 30 lět, njejsu so snano hižo chwilu widźeli a chcedźa zaso raz zhromadnje swjećić a bjesadować. Njedźelu přihotuja swójbny swjedźeń z Chróšćanskimi muzikantami, z kołojězbami z wohnjowej woboru kaž tež z kofejom a tykancom.

Wotewru wustajeńcu