Eva Menasse 4. Kamjensku narěč w duchu rozswětlerstwa dźeržała
Kamjenc (SN/bn). „Njepraju wam ničo noweho, dokelž ničo noweho njewěm.“ Tele wuprajenje Evy Menasse na spočatku 4. Kamjenskeje narěče wopokaza so wčera jako přewšo wěrne – a tola zamó awstriska awtorka w hodźinskim přednošku wobšěrny a nic mjenje přitrjechjacy, wotkrywacy wobraz powšitkowneho połoženja wosebje towaršnosće zapadneho swěta pregnantnje rysować.