Pokiwy (01.12.17)

Freitag, 01. Dezember 2017
Artikel bewerten
(0 Stimmen)

Dwójce „Hodowna stawizna“

Smječkecy. Jutře, 2. decembra, móža sej zajimcy „Hodownu stawiznu“ po Charlesu Dickensu z dźiwadźelnikom Měrkom Brankačkom w 19 hodź. w Smječkečanskim wjesnym klubje wobhladać. Nazajtra, 3. decembra, w 16 hodź. budźe předstajenje na Krawčikec žurli w Chrósćicach.

Koncert za strowu snědań

Budyšin. W Budyskim Kamjentnym domje wotměje so dźensa, jutře a njedźelu přeco w 19.30 hodź. wosebity beneficny koncert „Swingin’ Santa“. 25 młodych hudźbnikow a spěwarjow z města a wokoliny zanjese w běhu połdrahodźinskeho programa z jazzowej spěwarku Pascal von Wroblewsky němske a mjezynarodne hodowne spěwy. Składowane pjenjezy dóstanu šulerjo Budyskich šulow za darmotnu snědań.

Modelowa wustajeńca

Połčnica. Hač do njedźele wotměwaja so w Połčnicy Mikławšowe wiki. Wězo poskićeja tam tež słódne Połčničanske po­prjancy. Tónkróć pak maja prěni adwe­ntny kónc tydźenja w Połčničanskej Wuchodosakskej wuměłskej hali wosebite zarjadowanje: 24. wustajeńcu modeloweje železnicy. Za nju su tam modelowu kolijowu čaru natwarili.

Adwentna přehladka

Veröffentlicht in Pokiwy
Bitte anmelden, um einen Kommentar zu posten

Anzeige