Budyski Kamjentny dom a Jelenjogórski kulturny centrum partneraj
Budyšin (SN/bn). Festiwal rejwanskeho dźiwadła „aufTAKT“ zahaji sobotu zhromadny třilětny projekt „Partnerojo kultury – Partnerzy z kulturą“ Budyskeho Kamjentneho domu a kulturneho centruma Jelenia Góra. Wot kooperaciskeho programa Europskeje unije INTERREG spěchowane předewzaće ma zaměr, wjelelětne zhromadne dźěło partnerskeju městow rozšěrić a mjezsobnu wuměnu z pomocu wuměłstwa a kultury w pólsko-sakskim regionje sylnić. Lětsa planuja cyłkownje 16 zarjadowanjow.