Dołha přestawka w Serbskej kulturnej informaciji wuslědk předpisow

Budyšin (SN/bn). W Budyskej Serbskej kulturnej informaciji přewjeduja tuchwilu inwenturu. Hišće hač do 17. januara njezměja tuž zajimcy móžnosć, sej poskitki wobhladać abo suweněry a dalše twory kupić. Tež wosebita wustajeńca „Kak přińdźech za čas wuměnka k molowanju“ Ludmiły Bizoldoweje njeje w tym času přistupna.