1 000 lět Budyski měr swjedźensce wopominali
Budyšin (SN/bn). W Budyskim Dźiwadle na hrodźe zahaji so wčera ze swjedźenskim zarjadowanjom dialogoweho projekta „1 000 lět Budyski měr“ lěto europskeho kulturneho namrěwstwa pod hesłom „Sharing heritage – herbstwo dźělić“. We wobłuku tohole lěta chce za organizaciju cyłkownje zamołwite towarstwo Kamjentny dom zhromadnje z wjacorymi partnerami, mjez druhim Serbskim ludowym ansamblom, Serbskim institutom (SI) a Jelenjogórskim Kulturnym centrumom 30 wšelakich akcijow kaž na přikład wědomostne konferency, dźiwadłowe předstajenja a wuměłske wubědźowanja w regionje přewjesć. Při zwoprawdźenju steja towarstwu mjez drunim Zwjazk, Sakske ministerstwo za wědomosć a wuměłstwo (SMWK), Sakska kulturna załožba kaž tež město Budyšin poboku.