Wustajeja Baselitzowe grafiki w sakskej stolicy

Dienstag, 06. März 2018
Artikel bewerten
(0 Stimmen)
Georg Baselitz wodźi wopytowarjow po swojej hač do kónca meje přistupnej  wustajeńcy na Drježdźanskim rezidencnym hrodźe.  Foto: SKD/Oliver Kilig Georg Baselitz wodźi wopytowarjow po swojej hač do kónca meje přistupnej wustajeńcy na Drježdźanskim rezidencnym hrodźe. Foto: SKD/Oliver Kilig

Drježdźany (CRM/SN). Statne wuměłstwowe zběrki Drježdźany na rezidencnym hrodźe wěnuja Georgej Baselitzej składnostnje 80. narodnin wosebitu přehladku jeho twórbow. Pod hesłom ­„Maniera Baselitz – nonkonformija jako žórło fantazije“ spřistupnichu zajimcam minjeny pjatk w přitomnosći swětasławneho wuměłca 143 grafikow, nastatych w lětach 1964 do 1966. W kopororytwowym kabineće wisaja wone mjez drohotnej zběrku sławnych italskich, němskich a nižozemskich mištrow 16. wěka. „Je to (naša swójska) hommage na Georga Baselitza“, podšmórny Marion Ackermann, generalna direktorka sakskich statnych zběrkow. Zdobom pak špiheluje wustajeńca poćahi mjez Georgom Baselitzom a prof. dr. Güntherom Gerckenom z Hamburga. Wón je před lětomaj zhromadnje z mandźelskej Annemarie eksponaty načasneho wuměłstwa Drježdźanam jako załožbu darił. Přitomny darićel wupraji so wšón zbožowny, zo je so eksperiment njeposrědnjeho přirunanja poradźił, a doda: „Začuwaš w tutej njewšě­dnej wustajeńcy wosebity duchowny wobsah. Baselitz formuje jón w swójskim stilu.

Veröffentlicht in Kultura
Bitte anmelden, um einen Kommentar zu posten

Anzeige