Dźe wo mordarstwo we wolejbulowym miljeju

Freitag, 09. März 2018
Artikel bewerten
(1 Stimme)
Lubina Hajduk-Veljkovićowa je swoju nowu kriminalku w Smolerjec kniharni předstajiła. Foto: Carmen Schumann Lubina Hajduk-Veljkovićowa je swoju nowu kriminalku w Smolerjec kniharni předstajiła. Foto: Carmen Schumann

Knižna premjera kriminalneho romana „Módre buny“ Lubiny Hajduk-Veljkovićoweje wčera w Budyskej Smolerjec kniharni bě wulki wuspěch. Wjace hač 60 zajimcow chcyše wo nowym padźe serbskeje komisarki zhonić.

Budyšin (SN/bn). Ze zynkami titulneje melodije rjada „Tatort“ je Lubina Hajduk-Veljkovićowa wčera knižnu premjeru swojeje w Ludowym nakładnistwje Domowina wušłeje kriminalki „Módre buny“ w kopatej połnej Smolerjec kniharni zahajiła. Na napjate a z městnami žortne wašnje předčita awtorka dwaj kapitlej knihi, při čimž na to dźiwaše přewjele njepřeradźić a wosebje zajimawe pasaže z tak mjenowanym cliffhangerom zakónčić. K tomu zatwari dramaturgiske přestawki, w kotrych přidatnu hudźbu – sławnu temu z filmow wo Jamesu Bondźe – zahra abo připosłucharjow takrjec direktnje narěča. „Nětko do publikuma hladać“, wona na přikład připowědźi a runje to tež činješe.

Veröffentlicht in Kultura
Bitte anmelden, um einen Kommentar zu posten

Anzeige