Za wobydlersku iniciatiwu wjac hač 1,2 milionaj podpismow zezběrali

Flensburg/Budyšin (SN/JaW). Zběranje podpismow za wobydlersku iniciatiwu Federalistiskeje unije europskich narodnych mjeńšin (FEUN) Minority SafePack je zakónčene. Wot dźensnišeho zdypkom 0.00 hodź. žane podpisma na internetnych stronach za sylnjenje mjeńšinowych prawow na europskej runinje wjace přiwzali njejsu. W běhu jednoho lěta je třěšna organizacija narodnych mjeńšin – jej přisłuša tež zastupnica serbskich zajimow Domowina – w cyłkownje 28 krajach EU dokładnje 1 215 879 podpismow zezběrała, wozjewi prezident FUEN Loránt Vincze dźensa dopołdnja na nowinarskej konferency w Flensburgu.

Kaž ze stron FUEN rěka, stej tuž wobě wuměnjeni, kotrejž Europski parlament na tajke wobydlerske iniciatiwy staja – znajmjeńša w sydom čłonskich statach Europskeje unije postajenu ličbu signumow nazběrać a cyłkownje znajmjeńša jedyn milion podpismow – spjelnjenej. „EU ma nětko tři měsacy chwile akciju pruwować a podpisma z pomocu zarjadow jednotliwych krajow kontrolować.