Tež Serbja w Drježdźanach

W přizjewjenskich lisćinach 21. VVO marathona, kotryž budźe njedźelu w Drježdźanach, steja tež wjacore mjena serbskich starterow. Do startoweje lisćiny 10 kilometrow je so na přikład Patrick Dittrich z Róžanta zapisał, do połmara­thonoweje lisćiny Richard Paška z Kanec a kompletnu marathonowu čaru chce rodźeny Worklečan Clemens Šmit běžeć. Wšitke wubědźowanja započnu so mjez 9.15 a 10.10 hodź. Dalše informacije pod www.oberelbe-marathon.de

Pokalnej koparskej hrě

Poprawom běštej za jutře, sobotu, połfinalnej pokalnej hrě wo wokrjesny pokal Zapadołužiskeho koparskeho zwjazka planowanej. Dokelž pak wuhrajetej ST Haselbachtal a Sokoł Ralbicy/Hórki swój štwórćfinale hakle njedźelu w 15 hodź., dyrbi połfinalny přećiwnik SC Großröhrs­dorf hišće chwilu čakać. Pokalny duel Natwar­ Němske Pazlicy – Drohotka Ramnow wo zaćah do kónčneje hry pak budźe so jutře popołdnju w třoch přewjesć.

Kónctydźenska kopańca

28.04. 13:00 ST Lubuš II –

  Módro-běli Kulow II

28.04. 15:00  FC Neugersdorf II –

  SJ Chrósćicy

29.04. 15:00  ST Radwor –

  LSV Hory

29.04. 12:30  SJ Chrósćicy II –

  Wojerowski FC II

29.04. 14:00  Rakečanske ST II –