Wolejbulowy krimi w pěsku

Dienstag, 29. Mai 2018
Artikel bewerten
(0 Stimmen)
Złoto wubědźichu sej holcy a hólcy 10. a 11. lětnika Serbskeho gymnazija Budyšin we wuchodosakskim finalu bičwolejbula při Olbersdorfskim jězoru. Woni pojědu potom w juniju do Drježdźan na sakske krajne finale. Stejo wotlěwa su to Feliks Jurk, Feliks Langer, Dawid Šołta a sportowy wučer Měrko Korjeńk; klečo wot lěwa Helena Hejduškec, Tadeja Šeferec a Luiza Šubertec; prědku kapitan Dawid Wowčer.   Foto: Měrko Korjeńk Złoto wubědźichu sej holcy a hólcy 10. a 11. lětnika Serbskeho gymnazija Budyšin we wuchodosakskim finalu bičwolejbula při Olbersdorfskim jězoru. Woni pojědu potom w juniju do Drježdźan na sakske krajne finale. Stejo wotlěwa su to Feliks Jurk, Feliks Langer, Dawid Šołta a sportowy wučer Měrko Korjeńk; klečo wot lěwa Helena Hejduškec, Tadeja Šeferec a Luiza Šubertec; prědku kapitan Dawid Wowčer. Foto: Měrko Korjeńk

Kónčna tabulka regionalnych mišterstwow w bičwolejbulu:

1. Serbski gymnazij Budyšin 4   13:7

2.  Humboldt. gymn. Radeberg 4   12:6

3.  Ch. Weisowy gymn. Žitawa 4   12:7

4. Wyša šula Niska  0    1:18


Najstarša šulerska starobna skupina bičwolejbulistow Serbskeho gymnazija Budyšin (SGB) je při Olbersdorfskim jězo­ru wuchodosakske finale dobyła. Šulerki a šulerjo 10. a 11. lětnika wu­bědźichu sej we wurisanju „Młodźina trenuje za olympiju“ złotu medalju a kwalifikowachu so za sakske krajne finale 12. junija w Drježdźanach.

Třeći raz skwalifikowa so cyłk SGB za sakske finale w sportowej družinje bičwolejbul. W lětomaj 2014 a 2016 wró­ćichu so naši šulerjo stajnje ze 4. městnom, srjedź junija chcedźa holcy a hólcy wokoło kapitana Dawida Wowčerja znowa wo dobre zaměstnjenje wojować.

Veröffentlicht in Sport
Bitte anmelden, um einen Kommentar zu posten

Anzeige