Pisany festiwal kulturow swěta Empfehlung

Dienstag, 03. Juli 2018
Artikel bewerten
(0 Stimmen)
Na 18. mjezynarodnej folklornej lawinje je minjeny kónc tydźenja dohromady 15 cyłkow ludoweho wuměłstwa w Delnjej Łužicy  sta wopytowarjow zahoriło. Serbskej přinoškaj běštej wustup Choćebuskeho Němsko-Serbskeho ansambla (hlej wobraz) w Bórkowach kaž tež program Serbskeho ludoweho ansambla w Lubnjowje. Foto: Michael Helbig Na 18. mjezynarodnej folklornej lawinje je minjeny kónc tydźenja dohromady 15 cyłkow ludoweho wuměłstwa w Delnjej Łužicy sta wopytowarjow zahoriło. Serbskej přinoškaj běštej wustup Choćebuskeho Němsko-Serbskeho ansambla (hlej wobraz) w Bórkowach kaž tež program Serbskeho ludoweho ansambla w Lubnjowje. Foto: Michael Helbig

Wuměłcy z třoch kontinentow 18. folklornu lawinu wobohaćili

Lubnjow/Bórkowy (mih/SN/bn). Dohromady wjace hač 300 wuměłcow z cyłkownje 15 krajow je minjeny kónc tydźenja wopytowarjow 18. mjezynarodneje folklorneje lawiny w Lubnjowje, Bórkowach a Starej Darbni zahoriło. Wjetšina skupin je na kóždym z třoch dnjow publikumej dohlad do swojeje ludoweje kultury poskićiła.

Mjez mnohimi wjerškami wukopaštej so wosebje šotiski ansambl North Berwick Pipe Band & Dunedin Dance Academy a baskiski cyłk Edurre Euskal Dantza Taldea jako přihladowarjow zabawjacej magnetaj. Šotojo pokazachu skerje tradicionalny program, w kotrymž dudy a kilty wulku rólu hraja. Najwjace přikleska pak zasłuži sej dorost za swoju dokładnje choreografowanu reju. Baskojo před­sta­jichu so tohorunja w narodnej drasće, ale bjez instrumentow. Za přehlad swojich pochodow a (přewažnje) kročatych rejow běchu woni tójšto rekwizitow kaž kije­ a mječe sobu přinjesli. A zo so podłu Pyrenejow podobnje kaž pola nas za bantami rejuje, wo tym móžachu so zajimcy tohorunja přeswědčić.

Veröffentlicht in Kultura
Bitte anmelden, um einen Kommentar zu posten

Serbska debata

Neuheiten LND