ST Marijina hwězda zhladuje na zašłu hrajnu dobu

Dienstag, 31. Juli 2018
Artikel bewerten
(0 Stimmen)
Scena ze serbskeho koparskeho derbyja Njebjelčicy–Pančicy  Foto: Jörg Stephan Scena ze serbskeho koparskeho derbyja Njebjelčicy–Pančicy Foto: Jörg Stephan

Cil Pančičanskich koparjow, zamołwitych ST Marijineje hwězdy a trenarja Erwina Kleinmanna za sezonu 2017/2018 rěkaše, so na kóncu mjez prěnimi třomi w tabulce zaměstnić. Wulke předewzaće bu z wuběrnym druhim městnom w stafli dwaj Ewag-Kamjenc-ligi spjelnjeny. Tutón staw wjedźeše po 30. hrajnym dnju samo k hrě wo postup do wokrjesneje wyšeje ligi, a to přećiwo ST Porchowej, druhemu stafle jedyn. Pančičenjo duel njezbožownje přěhrachu. Po 30 partijach we wokrjesnej lize, bjez relegacije, steješe w protokolu 17 dobyćow, šěsć remisow a sydom poražkow. Z wrotowym poměrom 76:32 bě ST Marijina hwězda druhi najlěpši w stafli. Jenož načolnik ST Natwar Němske Pazlicy měješe z poměrom 98:31 lěpšu bilancu.

Veröffentlicht in Sport
Bitte anmelden, um einen Kommentar zu posten

Anzeige