Nowu hrajnu dobu wuspěšnje zahajili

Montag, 06. August 2018
Artikel bewerten
(0 Stimmen)
Regionalny koparski ligist FSV Budissa Budyšin je z dobyćom a remisom do noweje sezony startował a steji po druhim hrajnym dnju na třećim městnje tabulki. Tu wjesela so Budyšenjo nad wrotami při domjacym dobyću 2:0 přećiwo Viktoriji  Berlin. Foto: Torsten Zettl Regionalny koparski ligist FSV Budissa Budyšin je z dobyćom a remisom do noweje sezony startował a steji po druhim hrajnym dnju na třećim městnje tabulki. Tu wjesela so Budyšenjo nad wrotami při domjacym dobyću 2:0 přećiwo Viktoriji Berlin. Foto: Torsten Zettl

FSV Budissa Budyšin

– FC Viktoria 1889 Berlin 2:0 (0:0)

Zestawa domjacych: Ebersbach – Kunze, Patka, Hoßmang, Mack (90. Merkel), Ciapa, Weiß, Schlicht, Schmidt, Treu (64. Krawčik), Bönisch (79. Langr)

Po tym zo njebě přihot regionalneho koparskeho ligista Budissa Budyšin na no­wu sezonu optimalny, startowachu Budyšenjo z někotrymi starosćemi. Přećiwnik Viktoria Berlin bě sej za hru wjele předewzał a chcyše kaž domjacy dobyće. A Budy­scy koparjo chcychu swojemu trena­rjej Torstenej Gütschowej, kiž swjećeše tón dźeń narodniny, tři dypki darić. W prěnim połča­su bě partija chětro wurunana. Najebać­ to pak mějachu hosćo dobru móžnosć, jako postara so Kwabenaboye Schulz z hłowu wo stróžele, bul pak prasny na zbožo Budissy do žerdźe (14.). Při horcych temperaturach přestawka za napoje (22.) runjewon wjele wočerstwjenja přinjesła njeje. Hač do změny stron hosći­ćeljo rumy wušiknje začinjachu a njedowolichu Viktoriji žane šansy. Sami pak spytachu so často před wrotami Berlinjanow zjewić. Tak bě 368 přihla­dowarjow z 0:0 k přestawce najprjedy raz spokojom.

Veröffentlicht in Sport
Bitte anmelden, um einen Kommentar zu posten

Anzeige