Po sypnjenju awtodróhoweho mosta w italskim měsće Genuwa su pomocnicy w nocy dalše ćěła našli. Ličba mortwych je na 42 rozrostła, zdźěla italska powěsćernja Ansa. Mjez wopo rami su tež tři dźěći w starobje wosom, dwanaće a 13 lět. Wjacori ludźo su zranjeni. Při sylnym njewjedrje bě so Polcevera-wiadukt, znaty tež pod mjenom Morandijowy móst, po dołhosći 100 metrow sypnył a něhdźe třiceći jězdźidłow 40 metrow do hłubokosće sobu storhnył. Foto: pa/Alberto Lingria