SJ Chrósćicy II – ST Nadrózna Hrabowka 3:0 (1:0)

Zestawa domjacych: Cyž – M. Donat, Mark, Bětnar, Dórnik, Lešawa, Wowčer (77. Zahrodnik), Šmit, Mohaupt (68. Kral), J. Donat, Liznar (87. Pjetaš)

Na prěnju domjacu hru wočakowachu koparjo rezerwy SJ Chrósćicy předwčerawšim, njedźelu, mustwo z Nadrózneje Hrabowki. Po poražce tydźeń do toho chcyše sej trenarski cyłk wokoło Bosćija Klimanta a Maćija Dórnika nětko prěnje dypki sezony zawěsćić. Poslednjej direktnej duelej mjez cyłkomaj běchu Chróšćenjo za sebje rozsudźić móhli, tuž běchu połni nadźije na dalši wuspěch.