W Miłočanskej skale přihotuja za finisažu wosebitu zaběru za dźěći
Miłoćicy (SN/MiR). Njeboz, kotryž so do twjerdeho łužiskeho zornowca zarywa, sylnje rži. Wuměłcy, mužojo kaž žony, wěnuja so w Miłočanskej skale Při Krabatowym kamjenju spěrawej přirodnej maćiznje. Wjacore mjezwoča su stajnym wopytowarjam dźěłarnički znate, kaž staj to Čechaj Milan Brothanek a Robert Alger. Jako hosćej z regiona dźěłataj tam wospjet Gabriel Čornak z Njebjelčic a Borbora Wiesnerec z Budyšina.
