Ćisk (RH/SN). Na informaciske zarjadowanje wo Serbskim sejmje je kandidatka Anett Zahrodnikowa zawčerawšim do Ćiska přeprosyła. We wjace hač dwuhodźinskim čiłym rozmołwnym kole předstaji so wosom kandidatow z Delnjeje, srjedźneje a Hornjeje Łužicy za prěni serbski parlament. W diskusiji jewješe so přeco zaso prašenje za zhromadnym dźěłom z Domowinu. Tajkeho pak praktisce njeje. Sobuiniciator demokratiskeho hibanja Tomaš Čornak skedźbni na to, zo su mnozy z nastajenych kandidatow z čłonom Domowiny. Słyšeć tež bě, zo njeje třěšny zwjazk poskitk přiwzał swójskich kandidatow namjetować.