Merz so za prawo na azyl wuprajił

Freitag, 23. November 2018
Artikel bewerten
(0 Stimmen)

Halle (dpa/SN). Po masiwnej kritice je so kandidat za naslědnistwo předsydki CDU Angele Merkel, bywši frakciski šef Friedrich Merz, wčera na regionalnej konferency w Halle nad Solawu jasnje za zakładne prawo na azyl wuprajił. Wón pak wuzběhny, zo dyrbja wo jednotliwych rjadowanjach azyla hišće diskutować. Jenož tak móže so jednotna europska praksa wuwić.

Hižo nětko je wotwidźeć, zo budźe migracija tema na stronskim zjězdźe CDU spočatk decembra, hdźež wuzwola zdobom noweho předsydu/nowu předsydku. Nimo Merza kandidujetaj za zastojnstwo tež generalna sekretarka CDU Annegret Kramp-Karrenbauer a zwjazkowy minis­ter za strowotnistwo Jens Spahn.

Debatu wo migraciskim pakće UNO je strona AfD nastorčiła a CDU chětro překwapiła. Annegret Kramp-Karrenbauer wčera rjekny, zo mamy z temu přichodnje sensibelnišo wobchadźeć. Wona wupraji so za pakt, dokelž wjace pomha hač škodźi. Po słowach wšěch třoch kandidatow měłoj křesćanskich demokratow nutřkowna a wonkowna wěstota wuznamjenjeć. Na tym njeměli dwělować.

Veröffentlicht in Kraj a swět
Bitte anmelden, um einen Kommentar zu posten

Serbska debata

Neuheiten LND