Budyšanki wubědźowanje „Arrive“ dobyli
Budyšin (SN/bn). Lipšćanske towarstwo „Lauter Leise – Wuměłstwo a demokratija w Sakskej“ je lětsa prěni raz młodźinske literarne wubědźowanje „Arrive – Sylne teksty z Budyšina“ wupisało. W tym zwisku wopytachu młodźi sakscy spisowaćeljo wot spočatka nalěća hač do kónca nazymy dohromady sydom kubłanišćow regiona. Mjez druhim předstajichu so Katja Buschmann w Radworskej wyšej šuli, Michael Kraske w Ewangelskej wyšej šuli Bukecy a Roman Israel w Swobodnej srjedźnej šuli Wóspork. Tam diskutowachu po čitanju ze šulerjemi wo wosobinskich nazhonjenjach nastupajo grawěrowace žiwjenske přewróty. Projekt přewodźacej pisanskej dźěłarničce wotměchu w Budyskej měšćanskej knihowni.