Boža mša pozdźišo
Róžant. Na wysokim swjedźenju Marije bjezhrěšneho podjeća jutře, 8. decembra, njebudźe Boža mša w Róžeńčanskej hnadownej cyrkwi kaž hewak we wosmich, ale swjateho dnja dla w 9 hodź. Wot 10.30 do 11 hodź. přizamknje so modlenje před Najswjećišim za swójby z dźěćimi a wot 11 hodź. za wšěch dalšich. W 12 hodź. je zakónčacy nyšpor.
Beneficny koncert w bróžni
Jaseńca. Jasčan Florian Rynč a muski kwartet PoŠtyrjoch přeprošataj jutře, sobotu, na adwentny beneficny koncert w Rynčec bróžni w Jaseńcy. Zarjadowanje započnje so w 19.45 hodź. Na wopytowarjow čaka kaž kóžde lěto w derje wutepjenej a přijomnje wuhotowanej bróžni wotměnjawy program. Wjeselić móža so na znate adwentne a lóštne spěwy skupiny PoŠtyrjoch, ale tež na dujersku skupinu Tuten und Blasen. Wunošk ze zběrki, z předanje napojow a přikuskow přewostaja biskopej Clemensej Pickelej w Ruskej za podpěru chudych swójbow.
Beno Bělk w hospodźe