FUEN chcyła z partnerami pjenjezy za objekt w Flensburgu zwjesć
Flensburg (SN). Federalistiska unija europskich narodnych mjeńšin (FUEN) chce z pomocu załožby pjenjezy za Dom mjeńšin w Flensburgu znosyć. Załožerskej čłonaj matej mjez druhim Zwjazk němskich Sewjeroschleswigčanow BDN a Južnoschleswigske towarstwo SSF być.
Kaž z dokumenta FUEN wuchadźa, ma towarstwo danskeje mjeńšiny w Južnej Schleswigskej SSF załožerski čłon załožby być, z kotrejež pomocu ma Dom mjeńšin w Flensburgu nastać, rozprawja nowina němski dźenik w Danskej Der Nordschleswiger. Hłowny wuběrk SSF chcyše hišće doskónčnje rozsudźić, hač so na projekće wobdźěli, rozprawja Der Nordschleswiger, kotryž je runja Serbskim Nowinam čłon Zjednoćenstwa europskich dźenikow w mjeńšinowych a regionalnych rěčach MIDAS.