Słabe kónčiny dale spěchować

Donnerstag, 04. April 2019
Artikel bewerten
(0 Stimmen)

Wo konferency premierow wuchodoněmskich krajow z Angelu Merkel

Neudietendorf (dpa/SN). Ministerscy prezidenća wuchoněmskich zwjazkowych krajow na tym wobstawaja, zo dóstanu strukturnje słabe kónčiny tež potom dale spěchowanske srědki, hdyž Europska unija přichodnje mjenje pjenjez za to přewostaja. „Wěmy, zo budźe europski fonds mjeńši a zo dyrbimy swój podźěl přinošować“, rjekny ministerski prezident Durinskeje Bodo Ramelow (Lěwica) na zetkanju ze swojimi wuchodoněmskimi kolegami a zwjazkowej kanclerku Angelu Merkel (CDU) wčera w durinskim Neudietendorfje. Nowa mechanika spěchowanja Europskeje unije pak njesmě k nutřkoněmskej zwadźe wjesć, podšmórny Ramelow, kiž je tuchwilu předsyda kon­ferency ministerskich prezidentow wuchodneje Němskeje.

Knježerstwowi šefojo nowych krajow chcyli „regionalnu wěstotnu syć“, kotraž straty na maksimalnje 24 procentow dotalneho financneho wuhotowanja z horncow Europskeje unije wobmjezuje. Merkel přilubi při jednanjach z EU na to dźiwać, zo so rozdźěle mjez wuchodom a zapadom njepowjetša.

Veröffentlicht in Kraj a swět
Bitte anmelden, um einen Kommentar zu posten

Serbska debata

Neuheiten LND