Lětuše hudźbne dny zahajene

Montag, 15. April 2019
Artikel bewerten
(0 Stimmen)

Wojerecy (SN/JaW). Z koncertom Noweje Łužiskeje­ filharmonije su wčera lětuše 54. Wojerowske hudźbne swjedźenske dny oficialnje zahajili. Na wotewrjenju kóždolětneho rjadu we Wojerowskej Łužiskej hali je wyši měšćanosta Stefan Skora (CDU) zdobom dobyćerku wurisanja „Młodźina hudźi“ Anniku Jannasch z Wopakeje z Čestnym mytom města Wojerec wuznamjenił.

Zhromadnje předstaji na to młoda husler­ka z Nowej Łužiskej filharmoniju twórby Josepha Haydna, Györgyja Ligetija a Johannes Brahmsa pod hesłom „K.U.K.: Esterházy-Siebenbürgen“. Lětuše hudźbne dny traja hač do 5. meje a wabja z wulkimi mjezynarodnymi mjenami, kaž su to Giora Feidman, kiž zahudźi zhromadnje ze Sergejom Čerepanowom 1. meje w Janskej cyrkwi, Concilum musicum Wien a pianistka Ana Cybulewa. Planowane je nimo wčerawšeho cyłkownje jěd­naće dalšich koncertow. Přewažnje přewjeduja je na žurli Wojerowskeho hrodu.

Veröffentlicht in Kultura
Bitte anmelden, um einen Kommentar zu posten

Serbska debata

Neuheiten LND