Swjeća sportowy jubilej
Bart. Wot dźensnišeho hač do njedźele swjeća w Barće stolětny jubilej wobstaća tamnišeho sportoweho towarstwa. Po oficialnym swjedźenskim akće budźe dźensa w 20.30 hodź. w stanje na sportnišću piwo natočene. Jutře wotměja so přez cyły dźeń sportowe zarjadowanja, kaž blidotenisowy turněr. Na wječornych rejach wustupi mjez druhim rejwanska showskupina Flashpoints. Njedźelu wot 8 hodź. přewjedu mjezynarodne wubědźowanje we warjenju kotołoweho gulaša. Wot 14 hodź. je program, mjez druhim z wustupom dźěći Bartskeje zakładneje šule. W 17 hodź. chcedźa meju powalić a mejski porik krónować.
Program z překwapjenkami
