1Je zawěsće wažne, wědomje wšitkich we Łužicy bydlacych za pokład dwurěčnosće zachować, na přikład z dwurěčnymi wjesnymi taflemi. Wo zdźerženje rěče a kultury pak maja so předewšěm ći starać, kotřiž so sami Serbam přisłušni čuja. Što pomhaja na přikład prócowanja wo dwurěčne pěstowarnje, hdyž starši sami ze swojimi dźěćimi doma přewažnje němcuja.
2Njemóžu při najlubšej woli žadyn spočatk strukturneje změny we Łužicy spóznać. Hladajo na to, zo mamy nuznje jednać, začuwam skerje strašny měr. Nimo toho nimam scyła žane zrozumjenje za ludźi, kotřiž za wuhlom płakaja. Brunica je z Łužicy měsačkowu krajinu stworiła, je přez lětstotki zrosćene struktury zničiła.