Wuraz njespokojnosće z Lěwicu

Donnerstag, 29. August 2019
Artikel bewerten
(0 Stimmen)
Bjezwuhladny kandidat sakskeje Lěwicy k njedźelnym wólbam krajneho sejma Hajko Kozel ma na serbskich wsach dale sympatizantow, kaž łopjeno w Ralbicach pokazuje. Foto: Yuri Lévano Garcia Bjezwuhladny kandidat sakskeje Lěwicy k njedźelnym wólbam krajneho sejma Hajko Kozel ma na serbskich wsach dale sympatizantow, kaž łopjeno w Ralbicach pokazuje. Foto: Yuri Lévano Garcia

Budyšin (SN/at). Najpozdźišo po aprylskim nominowanskim zjězdźe sakskeje Lěwicy bě jasne, zo tale dotal narodnym mjeńšinam dosć wotewrjena strona w nowym Sakskim krajnym sejmje prěni raz po lěće 1990 žanoho serbskeho zapósłanca w swojej frakciji njezměje. Za wuprajenje, hač chcyła so frakcija w nowej wólbnej periodźe docyła ze serbskimi temami zaběrać a štó měł za to zamołwity być, je hišće přezahe. We wudaću SN z 22. awgusta načolny kandidat Lěwicy Rico Gebhardt přilubja: „... budu-li znowa předsyda frakcije Lěwicy, wuwołam serbskosć za šefowu naležnosć.“

Hišće na poslednim posedźenju Sakskeho krajneho sejma 2. julija bě Gebhardt zaćišć zbudźił, zo jeho strona serbskeho zapósłanca njetrjeba: Zo „wjelelětny zapósłanc sakskeje CDU Marko Šiman přichodnemu krajnemu sejma znowa přisłuša, to sej za Serbowki a Serbow w tymle kraju woprawdźe přeju“. To wuchadźa z protokola posedźenja. Nutřwołanje z frakcije CDU, zo je Lěwica swojeho Serba na poslednje městno krajneje lisćiny wotsunyła, njeje dokumentowane.

Veröffentlicht in Kraj a swět
Bitte anmelden, um einen Kommentar zu posten

Serbska debata

Neuheiten LND