Němska mjeńšina z nowymi žadanjemi

Mittwoch, 11. September 2019
Artikel bewerten
(0 Stimmen)

Flensburg (SN). Hłowne zastupnistwo němskeje mjeńšiny w Danskej, Zwjazk němskich Sewjeroschleswigčanow (BDN), je na swojim njedawnym posedźenju rěčnopolitiske žadanja němskeje mjeńšiny aktualizował. To rozprawja němski dźenik w Danskej Der Norschleswiger. „Někotre ze staršich žadanjow su spjelnjene, za to su nowe k tomu přišli“, rjekny komunikaciski šef BDN Harro Hallmann.

Spokojeni móžachu zwěsćić, zo su ze stron Danskeje žadanja za dansko-němskej dwurěčnej awtodróhowej taflu spjelnili runje tak kaž dwurěčnu pokazku, zo je w sewjeroschleswigskich chorownjach lěkowanje tež w němskej rěči móžne. Nimo toho w brošurje wo tym informuja, zo móžeš na zarjadnistwach a sudnistwje němčinu nałožować.

Veröffentlicht in Politika
Bitte anmelden, um einen Kommentar zu posten

Anzeige