Trump hrozy Iranej z wjećbu

Montag, 16. September 2019
Artikel bewerten
(0 Stimmen)

Washington (dpa/SN). Po nadpadźe na najwjetšu wolijowu rafineriju Sawdi-Arabskeje je prezident USA Donald Trump z wjećbu hrozył. Zdobom wón swoje wuprajenja cofny, zo je k zetkanju z wjednistwom Irana zwólniwy. Zawčerawšim, sobotu, bě wonkowny minister USA Mike Pompeo Iranej winu za nadpad dawał, byrnjež so zběžkarjo Huthi w susodnym Jemenje wuraznje k tomu wuznawali. Teheran kóždu zamołwitosć za atentat wotpokazuje.

Johnson pola Junckera

Luxemburg (dpa/SN). W zwadźe wo wustupje Wulkeje Britaniskeje z Europskeje unije je so britiski premierminister Boris Johnson dźensa prěni króć z prezidentom komisije EU Jean-Claudom Junckerom zetkał. Johnson chcył z EU znowa wo zrěčenju mjez Londonom a Brüsselom jednać, kiž brexit rjaduje. EU je tole wospjet wotpokazała. Njedyrbjało-li k dojednanju dóńć, hrozy Johnson z njerjadowanym wustupom 31. oktobra. Tole pak britiski parlament nochce.

Wjeršk Syriskeje dla

Veröffentlicht in Kraj a swět
Bitte anmelden, um einen Kommentar zu posten

Serbska debata

Neuheiten LND