Herbst: Nowy dawk na lětanje škodźi Sakskej

Donnerstag, 17. Oktober 2019
Artikel bewerten
(0 Stimmen)

Berlin/Drježdźany (SN). Wčerawše wobzamknjenje zwjazkoweho knježerstwa, w zwisku z tak mjenowanym klimowym paketom nutřkoněmske a nutřkoeuropske lěty raznje podróšić, zapósłanc FDP w Zwjazkowym sejmje a zastupnik strony we wobchadnym wuběrku sejma Torsten Herbst kritizuje: „Wobzamknjenje nastupajo přidatny dawk na lětanje na čarach krótkeje a srjedźneje distancy je wosebje na škodu wobeju sakskeju lětanišćow w Drježdźanach a Lipsku, dokelž tam přewažnje narodne a nutřkoeuropske lěty poskićuja. Za sakskich pasažěrow so tak lěty procentualnje wo wjele bóle podróša hač za pasažěrow na dołhich čarach, kotřiž na wulkich lětanišćach kaž Frankfurt abo Mnichow wotleća. Runočasnje je lětarskim předewzaćam dźeń a njeatraktiwniše, lěty w Sakskej scyła hišće poskićeć. Tole škodźi tež sakskemu turizmej, Herbst w zdźělence piše.

Veröffentlicht in Kraj a swět
Bitte anmelden, um einen Kommentar zu posten

Serbska debata

Neuheiten LND