Drježdźany (dpa/SN). Politikar sakskich Zelenych, Gerd Lippold, je připowědźenje Braniborskeje witał, so nowych brunicowych jamow a rozšěrjenja wobstejacych wzdać. Zdobom wón Saksku namołwja, přikładej Braniborskeje sćěhować. „Kóžde pomjeńšenje wudobywanskeje płoniny zniža kóšty za pozdźišu rekultiwaciju a saněrowanje, kotrež dyrbi předewzaće zapłaćić“, rjekny zapósłanc krajneho sejma powěsćerni dpa.