Energijowy forum w Lipsku wuradźuje wo strukturnej změnje
Lipsk (dpa/SN). Po słowach jednoho z hospodarskich fachowcow widźa ludźo na wuchodźe Němskeje energijowu změnu bóle pragmatisce hač zapadni wobydlerjo. „Na wuchodźe je energijowa změna hižo wo wjele dale pokročowała hač w starych zwjazkowych krajach“, měni Christian Growitsch, zastupowacy nawoda Fraunhoferskeho instituta za mikrostrukturu dźěłowych maćiznow a systemow w Halle. Wědomostnik ma pragmatiku mnohich ludźi na wuchodźe za přikładnu nastupajo wuwiće wobnowjom- nych energijow. Kraje kaž Mecklenburgsko-Předpomorska, Braniborska a Saksko-Anhaltska hižo nětko wobnowjomne energije starym zwjazkowym krajam dodawaja.