„Najwjetši zhromadny wukon“

Montag, 11. November 2019
Artikel bewerten
(0 Stimmen)
Z koncertami, instalacijemi swěcy a wohnjostrojemi su sobotu, 9. nowembra, předewšěm w Berlinje 30. róčnicu powalenje murj e woswjećili. Na někotrych městnach skedźbnichu na to, zo bě město 28 lět dołho dźělene a zo je tójšto ludźi při pospytanym ćeknjenju žiwjenje přisadźiło.  Foto: pa/Sadak Souici Z koncertami, instalacijemi swěcy a wohnjostrojemi su sobotu, 9. nowembra, předewšěm w Berlinje 30. róčnicu powalenje murj e woswjećili. Na někotrych městnach skedźbnichu na to, zo bě město 28 lět dołho dźělene a zo je tójšto ludźi při pospytanym ćeknjenju žiwjenje přisadźiło. Foto: pa/Sadak Souici

Sakscy politikarjo wuznam politiskeho přewróta 1989 wuzběhnyli

Drježdźany (dpa/SN). 30. róčnicu powalenja murje njejsu jenož w Berlinje wopominali. Tež w Sakskej a Bayerskej ju swjećachu. Sakski ministerski prezident Michael Kretschmer (CDU) je na swjedźenskim zarjadowanju sobotu w Plauenje přinošk wobydlerjow k měrniwej rewoluciji wuzběhnył. Wón dźakowaše so ludźom za zmužitosć, na protestach so wobdźělić. Hišće do historiskeje Lipšćanskeje póndźelneje demonstracije 9. oktobra běchu ludźo w Plauenje za demokratiju demonstrowali. Dnja 7. oktobra 1989, na 40. róčnicy załoženja NDR, bě tam z oficialnje organizowaneho „ludoweho swjedźenja“ spontana demonstracija nastała.

Zwjazkowy minister za nutřkowne naležnosće Horst Seehofer (CSU) dopominaše so z wulkim wjeselom na politiski přewrót. „Jednota Němskeje bě mi najrjeńše politiske dožiwjenje, kotrež sym w 50 lětach w politice měł“, rjekny wón w hornjofrankskim Hofje. Po tym poda so do Plauena, zo móhł so tam tohorunja na swjatočnosćach wobdźělić.

Veröffentlicht in Kraj a swět
Bitte anmelden, um einen Kommentar zu posten

Serbska debata

Neuheiten LND