Z kobłu Kandelu R wuspěšna

Dienstag, 21. Januar 2020
Artikel bewerten
(0 Stimmen)
Magdalena Šeferec z Kulowa je lětuši Eggersmannowy junior ski cup w Lipsku na swo jim šumjelu Kandela R dobyła.  Foto: Partner Pferd/Thomas Hellmann Magdalena Šeferec z Kulowa je lětuši Eggersmannowy junior ski cup w Lipsku na swo jim šumjelu Kandela R dobyła. Foto: Partner Pferd/Thomas Hellmann

Serbowka U 21-cup w Lipsku dobyła

Kulowčanka Magdalena Šeferec je lětuši Eggersmannowy junior­ski cup dobyła. Tón wotměwaja kóždolětnje k zahajenju konjacych wikow Partner Pferd w Lipsku.

Lipsk (SN). „To je woprawdźe něšto wurjadneho“, přeradźi 19lětna studentka zawod­neho hospodarstwa a čłonka Kulowskeho jěchanskeho towarstwa po wuspěchu minjeny štwórtk w měsće nad Plesnu. „Sym so jara prócowała spěšniša być hač kontrahenća, a by tež hišće trochu spěšnišo šło. Přiwšěm je dosahało.“ W kónčnym přechodźe přesadźi so wona na dźesaćlětnej koble Kandela R, kotraž je mjeztym sydom lět we wobsydstwje Šeferec swójby.

Po lońšim wobdźělenju bě so Mag­dalena Šeferec lětsa druhi króć za fina­le Eggers­mannoweho juniorskeho cupa w Lipsku skwalifikowała a je wobdźělenje z triumfom skrónowała. Z časom 33,46 sekundow zmištrowa wona naročny final­ny parcours, wobstejacy ze šěsć zadźěwkow – jedyn z nich bě dwójny skok – w klasy M*, bjez zmylka w Lipšćanskich wikowych halach a wostaji Lenu Dreilich z Möckerna na konju L’amie de Coeur a Lilli Plath z Wismara na Zidane D. na 2. a 3. městnje zady so.

Veröffentlicht in Sport
Bitte anmelden, um einen Kommentar zu posten

Anzeige