Na ptači kwas SLA
Chrósćicy. Po premjerje ptačokwasneho programa Serbskeho ludoweho ansambla „Štóž so zwaži, tomu so radźi“ tydźenja w Radworju dožiwi publikum jutře w 16 a 19.30 hodź. w Chróšćanskej wjacezaměrowej hali „Jednota“ přichodnej předstajeni. Dalše budźe zajutřišim, njedźelu, w 16 hodź. w Bukečanskej Wjesnej hospodźe.
Sinfoniski koncert zaklinči
Budyšin. Na žurli Budyskeho Serbskeho ludoweho ansambla wuhotuje orchester Sinfonietta meridiana jutře, sobotu w 16 hodź. sinfoniski koncert. Zaklinča twórby Beethovena a danskeho komponista Nielsa Wilhelma Gady.
Komediju sej wobhladać
Haslow. Štóž njeje dotal hišće nowu komediju lajskeje dźiwadłoweje skupiny Šunow-Konjecy „Ludźo, njedźiwajće so“ widźał, změje zajutřišim w 16 hodź. składnosć k tomu. Hrajerjo předstaja inscenaciju pola Bizoldec w Haslowje. Přichodny raz pokazaja kruch njedźelu, 16. februara, w 16 hodź. w Lejnje.
Symjo měnjeć
