Přewšo zasłužene dobyće

Dienstag, 04. Februar 2020
Artikel bewerten
(0 Stimmen)
Prěnje wolejbulowe mustwo muži Viktorije Worklecy je drje wokrjesny derby we Wul kej Dubrawje jasnje dobyło, wuraz wjesela pak bě na mjezwočach hrajerjow a zamołwitych rozdźělny.  Foto: Mato Eckert Prěnje wolejbulowe mustwo muži Viktorije Worklecy je drje wokrjesny derby we Wul kej Dubrawje jasnje dobyło, wuraz wjesela pak bě na mjezwočach hrajerjow a zamołwitych rozdźělny. Foto: Mato Eckert

ST 1896 Wulka Dubrawa

– Viktoria Worklecy 92 0:3

(23:25, 20:25, 17:25)

Dyrbjało-li mišterstwo realistiske wostać, njesmědźa wolejbulisća Viktorije Worklecy pola mustwow ze zadnjeho dźěla tabulki žadyn dypk wotedać. Hra w Kundraćicach pak bě pokazała, zo runje tajke teamy mocy wuwiwaja, z kotrymiž maja faworića častodosć swoje ćeže.

Runje z teje přičiny započachu mužojo wokoło přistajerja Marcela Rjelki we Wulkej Dubrawje jara koncentrowani a nawjedo­wachu spěšnje 4:0. Přez sylne nadběhi Stephana Wjeńki a jara stabilny blok powjet­šichu předskok na 13:6 a 18:11. Z njelogiskich přičin pak so hrajna nitka torhny. Někotre wotedate na­daća, zmylki při saku a njemotiwowany nadběh dachu předskok kaž sněh w słóncu roztać. Přećiwnik spózna swoju šansu a wojo­waše hač k stawej 23:23. Z rutinu pak hosćo­ sadźbu tola hišće z 25:23 dobychu.

Druhi přechod běše wurunany, ale z jasnym předskokom za Worklečanow. Nadaća a přiwzaća běchu stabilne a tak dypkowachu woni hač do suwereneho dobyća sadźby z 25:20.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND