Debja jutrowne jejka

Budyšin. 29. raz přewjedźe Spěchowanski kruh za serbsku ludowu kulturu jutře a njedźelu w Budyskim Serbskim domje wiki jutrownych jejkow. Na wo­běmaj dnjomaj móža wopytowarjo wot 10 do 18 hodź. nimale 40 wuměłcam při debjenju owalnych drohoćinkow w tra­dicionalnych technikach přihladować a sej pola nich tajku kupić. Štóž chce, móže so pod fachowym nawodom sam w debjenju pospytać. Předewšěm dźěći su k tomu přeprošene. Dale budu widźeć wuslědki wubědźowanja wo „Najrjeńše serbske jutrowne jejko 2020“. Wikowarjo poskića tohorunja keramiku, škleńcu a wušiwanki z Hornjeje a Delnjeje Łužicy a Smolerjec kniharnja wuběr swojich knihow. Kofej a tykanc budźetej toho­runja na předań. Zastup płaći 2,50 eurow za dorosćenych, za dźěći hač do 16 lět 50 centow.

Na dźěłarničku Bjesadow