Mnichow (dpa/SN). Strona CSU ma dźensa wulku premjeru před sobu. Popołdnju je wona swój prěni stronski zjězd w interneće zahajiła. Hłownje rěči šef strony Markus Söder, kiž wusyła ze swojeje dźěłoweje stwy. Cyłkownje 250 delegatow so na zjězdźe wobdźěli a zaběra so předewšěm z koronakrizu a jeje wuskutkami na hospodarstwo. W předležacym dokumenće dźe wo naprawy, kotrež měli Němsku zaso zesylnić. Tak žada sej CSU na přikład, dawki za wobydlerjow a předewzaća znižić.
Gauland šefej znapřećiwja
Berlin/Podstupim (dpa/SN). Šef frakcije AfD w zwjazkowym sejmje Alexander Gauland liči z tym, zo budźe Andreas Kalbitz zaso z čłonom strony. Wo mjezsobnym wojowanju wo móc w stronje nochce wón ničo wědźeć a chce nětko wočaknyć, hač je wuzamknjenje Kalbitza juristisce scyła móžne. Z wuprajenjemi znapřećiwja wón stronskemu šefej Jörgej Meuthenej, kiž ma rozsud zwjazkoweho předsydstwa, Kalbitza ze strony wuzamknyć, za njewobeńdźomny.
Ludowy kongres zahajili
