Nabu: Tesla ma přirodu škitać

Donnerstag, 09. Juli 2020
Artikel bewerten
(0 Stimmen)

Dotal 373 zapodaćow přećiwo tworni elektroawtow pola Berlina

Grünheide (dpa/SN). Braniborski při­rodoškitny zwjazk Nabu žada sej hladajo na planowane dalše trjebjenje lěsa na terenje twarca elektroawtow z USA Tesla škit zwěriny a rostlin. „Nam dźe wo to, zo Tesla škit družin zaruči“, rjekny krajny předsyda Nabu Friedhelm Schmitz-Jersch powěsćerni dpa. Trěbne su po jeho słowach „dobre a přiměrjene wu­runanske naprawy“ za zasahi do přirody. Předsyda Nabu z toho wuchadźa, zo chce Tesla najzašo nazymu dalše štomy na terenje w Grünheidźe pola Berlina pušćeć, dokelž budźe potom čas lehnjenja nimo.

Tesla chce w juliju 2021 započeć elektroawta produkować. Po planach chcedźa kóždolětnje 500 000 awtow zhotowić. Kompletna přirodoprawniska dowolnosć za twar fabriki ze stron braniborskeho krajneho knježerstwa dotal hišće njepředleži. Tesla tuž twar najprjedy raz na swójske riziko přihotuje. Na 300 hektarow wulkej płoninje su dotal 92 hektarow lěsa wutrjebili.

Veröffentlicht in Kraj a swět
Bitte anmelden, um einen Kommentar zu posten

Serbska debata

Neuheiten LND