Zwjazkowe kraje chcyli wobmjezowanja koronawirusa dla přiwótřić

Berlin (dpa/SN). Politikarjo Zwjazka a krajow žadaja sej razniše wobmjezowanja za kónčiny z wosebje wulkimi ličbami koronainfekcijow. Bayerski kabinet bě hižo wčera nowe naprawy wobzamknył. Mjeztym wo tym debatuja, hač njedyrbjeli so ministerscy prezidenća hišće do hód znowa zetkać. Dotal maja woni dalšu konferencu hakle 4. januara planowanu. Bayerski ministerski prezident Markus Söder (CSU) bě konferencu ministerskich prezidentow nastorčił. Tajka budźe „prawdźepodobnje“ trěbna, dokelž měli so wšitcy hišće raz wo tym rozmołwjeć, što so hody a silwester stanje. Konfe­rencu zwołać žada sej tež strowotniski ­fachowc SPD Karl Lauterbach. Wón měni, zo měli wšitke wobchody po hodźoch „znajmjeńša dwaj tydźenjej“ zawrjene wostać.