Praha skorži před Europskim sudnistwom přećiwo Pólskej
Luxemburg (SN). Čěska ma w swojim postupowanju přećiwo dalšemu rozšěrjenju brunicoweje jamy w pólskim Turówje podpěru Europskeje unije. Komisija EU je minjeny štwórtk nastupajo skóržbu Čěskej ranjenja zrěčenja dla zwěsćiła, zo Pólska směrnicy k pruwowanju wobswětoškitneje znjesliwosće a směrnicy wo přistup zjawnosće k wotpowědnym informacijam rani. Čěska bě přećiwo rozšěrjenju brunicoweje jamy před Europskim sudnistwom skóržbu zapodała.
