Athen (dpa/SN). Při ćežkich namócnosćach w grjekskej stolicy Athenje je so wčera pjeć policistow zraniło, 16 randalěrarjow su zajeli. Hooligany běchu po spočatnje měrniwej demonstraciji policistow z kamjenjemi, bencinowymi blešemi a železnymi retlemi nadběhowali. Přičina demonstracije bě policajska namóc před třomi dnjemi. Njedźelu běchu policisća muža při kontroli naprawow koronawirusa dla z retlemi a pjasćemi bili. W interneće rozšěrjeny widejo wo scenje bě wulku rozhorjenosć zbudźił.

Krute postajenja za Polakow

Schwerin (dpa/SN). Mecklenburgsko-Předpomorska je po wšej Němskej najrazniše postajenja zapućowanja za ludźi ze susodneje Pólskeje wobzamknyła. Wone płaća, dyrbjało-li zwjazkowe knježerstwo Pólsku koronapandemije dla jako rizikowu kónčinu zastopnjować. Potom dyrbja powołanscy dojězdźowarjo kóždy druhi dźeń negatiwny koronatest předpołožić. Hišće tónle tydźeń chcedźa testowe centrumy při namjeznych přechodach natwarić. W Němskej ličba infekcijow woteběra, w Pólskej pak přiběra.

Pućowanje zmóžnić!