Wulka hańba za Delnjołužičanow

Montag, 10. Mai 2021
Artikel bewerten
(0 Stimmen)
Dirk Lottner (naprawo) rěči posledni raz z mustwom. Prjedy hač započa z FC Energiju dźěłać, bě wón trenar 1. FC Saarbrückena, FC Hansy Rostock a druheho mustwa 1. FC Köln. Nětko je 49lětny zaso na trenarskich wikach.  Foto: Georg Zielonkowski Dirk Lottner (naprawo) rěči posledni raz z mustwom. Prjedy hač započa z FC Energiju dźěłać, bě wón trenar 1. FC Saarbrückena, FC Hansy Rostock a druheho mustwa 1. FC Köln. Nětko je 49lětny zaso na trenarskich wikach. Foto: Georg Zielonkowski

FC Energija Choćebuz – SV Babelsberg 03 0:3 (0:1)

Zestawa domjacych: Stahl – F. Brügmann (81. Rahn), Böhmert, Borgmann, Koch, Erlbeck, Hasse (70. Stettin), Eisenhuth (61. Geisler), Hofmann, Kujović (46. Postelt), F. Brügmann

W połfinalu krajneho pokalneho koła Braniborskeje mějachu koparjo FC Energije Choćebuz wčera SV Babelsberg 03 za ho­sća. Byrnjež wobaj cyłkaj w samsnej klasy hrałoj, běštej wukonaj hosćićela a přećiwnika chětro rozdźělnej. Z njepřestajnym pressingom njeje hósć Choće­bužanam žanu šansu k swójskej hrě dał. Wosebje wulke starosće mějachu domjacy ze standardami. Prěnje wrota pad­nychu po preciznje třělenym róžku, kotryž Sven Reimann bjez mylenja do syće zhłójčkowa (10.). Jako Lukas Wilton wólny kop z kromy šěsnatki do směra na wrotarja Tonija Stahla třěli, skoči Jonas Böhmert njetrjebawši horje, a bul lećeše pod murju k 0:2 (66.) do čorneho. Wrota čisło tři běchu najrjeńše dnja. David Danko třěli kulowatu kožu z praweje strony ze zdalenosće 16 metrow na wrota, hdźež přizemi ta w dołhim kuće.

Veröffentlicht in Sport

Galerie

dalši wobraz (1) Felix Brügmann (prědku, Choćebuz) w swojej poslednjej hrě za FC Energiju Choćebuz. Wón póńdźe k mustwu VSG Altglie nicke. Foto: Georg Zielonkowski
Bitte anmelden, um einen Kommentar zu posten

Serbska debata

Neuheiten LND