Hudźa w parku a w cyrkwi
Hrodźišćo. Štyrjo smyčkarjo Serbskeho ludoweho ansambla hudźa jutře, 10. julija w 16 hodź. w Hrodźišćanskim hrodowym parku. Ćežišćo programa „Štyri na raz“ tworja skerje mjenje znate twórby Leopolda Schefera, z Mužakowa pochadźaceho komponista a přećela wjercha Hermanna von Pücklera. Nimo toho zaklinča kwartety Stanisława Moniuszka, Helmuta Fryče a Helfrieda Knopsmeiera. Pjatk, 23. julija, wospjetuja koncert w Njeswačanskej cyrkwi, a to wječor w sedmich.
Jazz (a wjac) w bróžni
Smochćicy. Bróžeń kubłanišća swj. Bena w Smochćicach budźe jutře, 10. julija jewišćo kaž tež publikumowa žurla za wosebity wječor jazza. W 21 hodź. koncertujetaj Kilian Forster a jeho dźowka Helena pod hesłom „ForsterFamily“. Forster je předewšěm jako intendant Drježdźanskich jazzowych dnjow, najwjetšeho festiwala tajkeho razu w Němskej, a jako čłon skupiny Klazz Brothers znaty. Bjezpłatnje přistupny wječor je zhromadne zarjadowanje kubłanišća swj. Bena a Konrada Adenaueroweje załožby.
Wirtuelne wobchodźenje