Reakcije na rozsud bamža rozdźělne

Donnerstag, 16. September 2021
Artikel bewerten
(0 Stimmen)

Hamburg/Bonn (dpa/SN). Katolske reformowe hibanje „My smy cyrkej“ kritizuje rozsud bamža Franciskusa, Hamburgskeho arcybiskopa Stefana Heßu w zastojnstwje wostajić. Postupowanje je „wulce problematiske“, zdźěli „My smy cyrkej“ w Hamburgu. „Nětčiši rozsud Roma je faktiska amnestija za arcybiskopa Heßu, kotremuž je posudk kenclije ­Gercke jědnaće prawnisce relewantnych přeń­dźenjow jako bywši Kölnski generalny wikar wobswědčił.“ Nastanje prašenje, za čo směš ludźi we wodźacych cyrkwinskich kruhach scyła hišće chłostać, organizacija pisa.

Japoštołska nunciatura w Berlinje bě zdźěliła, zo bamž Franciskus wot biskopa Heßy poskićeny wotstup wotpokaza. Franciskus bě na jeho dobro rozsudźił, byrnjež jemu w posudku, kotryž su w měrcu předpołožili, jědnaće ranjenjow winowatosće při předźěłanju splažneho znjewužiwanja w cyrkwi wumjetowali.

Veröffentlicht in Kraj a swět
Bitte anmelden, um einen Kommentar zu posten

Serbska debata

Neuheiten LND