New York (dpa/SN). Zwady zwrěšćeneje předanje francoskich atomowych podnurjakow Awstralskej dla je francoska zakitowanska ministerka Florence Parly zetkanje ze swojim britiskim kolegu Benom Wallaceom wotprajiła. Rozmołwu su „na pozdźiši termin přestorčili“, kaž z Parisa rěka. Awstralska bě wo wobłuku noweho zwjazkarstwa z USA a Wulkej Britaniskej nakup atomowych podnurjakow z USA připowědźiła a za to hižo wobstejace zrěčenje z Francoskej we wobjimje 56 miliardow eurow wupowědźiła.
Scholz před wuběrk skazany
Berlin (dpa/SN). Financny minister Olaf Scholz (SPD) bě dźensa před přepytowanski wuběrk zwjazkoweho sejma skazany. Ani tydźeń do wólbow dyrbješe wón na prašenja zapósłancow w zwisku z njedawnym přepytowanjom Osnabrückskeho statneho rěčnistwa pola wosebiteho wotrjada financneho ministerstwa za bój přećiwo płokanju pjenjez wotmołwjeć. FDP, Zeleni a Lěwica běchu sej wurjadne posedźenje wuběrka žadali.
Strona Putina wólby dobyła