Myće Ćišinskeho zdobom namołwa, „zamóžnosće dale wuwiwać“
Budyšin (SN/bn). „Je mi wulka česć a wjeselo, dźensa Myto Ćišinskeho a spěchowanske Myto Ćišinskeho přepodać směć. Lawreaća su k tomu přinošowali, jónkrótnosć bikulturneje a binacionalneje Łužicy wobchować a rozšěrić, štož njeje jenož na dobro Serbow, ale nas wšěch!“ To rjekny sakska statna ministerka za wědomosć, kulturu a turizm Barbara Klepsch (CDU) předwčerawšim na žurli Budyskeho Serbskeho muzeja, hdźež bu „najwuznamniše wuznamjenjenje Serbow“ Trudli a Janej Malinkec kaž tež Jadwize a Fabianej Kaulfürstec spožčene.
