Baje z Błótow a wokoliny

Choćebuz. Dr. Edeltraut Radochla a Rolf Radochla předstajitaj sobotu w 17 hodź. „Powěsće z Delnjeje Łužicy“ w Choćebuskim Serbskim muzeju, kiž čitanje zhromadnje z towarstwom Knigłarnja Žandow organizuje. Zastup je bjezpłatny.

Wólbernosće koncertuja

Budyšin. Załožba za serbski lud je zarjadowarka nazymskeho koncerta sobotu, 6. nowembra, w Budyskim Serbskim domje. W 17 hodź. zahudźi tam skupina Wólbernosće. Hižo wot 15 hodź. poski­ćuja kofej a plincy. Kaž w zdźělence załožby dale rěka, móža „sej wopytowarjo po koncerće wosebity poskitk Serbskeje kulturneje informacije, wuhotowaneho we wobłuku nakupowanskeje nocy Romantica, wobhladać“.

Na Hubertusowe kemše

Kulow. Wosebite Hubertusowe kemše wotměja so njedźelu, 7. nowembra, w 10 hodź. w Kulowskej katolskej farskej cyrki. Na nje přeprošujetej hońtwjerskej zjednoćenstwje z Kulowa a Pančic-Ku­kowa. Wo hudźbne wobrubjenje staratej so skupinje dujerjow na róžku z Huskeje a Lejnoho (Geierswalde). Swjaty Hubertus je škitny patron hajnikow.

Powjedźe po wustajeńcy