Město koncert wotprajiło
Budyšin. Hodowny komornohudźbny koncert trija Jörga Kandla a wiolinista Floriana Mayera, kotryž chcyše město Budyšin jutře w Marje-Marćinej cyrkwi wuhotować, korony dla wupadnje. Kaž zarjad za hospodarstwo, kulturu a zjawnostne dźěło zdźěli, móža sej wšitcy, kotřiž su sej zastupny lisćik kupili, płaćiznu za njón „samozrozumliwje narunać dać“. Za to dosaha jednora mejlka z dospołnym mjenom a bankowym zwiskom na .
Hudźba w swětle swěčkow
Budyšin. Štwórty a posledni „Pišćelowy nyšpor w swětle swěčkow“ lětušeho adwentneho rjadu Budyskeje ewangelskeje wosady swj. Pětra wuhotuje Michael Tittmann z Waltersdorfa. Sobotu, 18. decembra, zaklinča w 16 hodź. we wosadnej cyrkwi twórby mjez druhim Johanna Sebastiana Bacha a Johanna Gottfrieda Walthera. Zastup je darmotny.
Kreatiwna dźěłarnička
